寵物歲數：9歲

主人名：Tracy

寵物簡介：

小吉是一隻異國短毛貓，收養牠時前主人說牠是3歲，我們不知道小吉出生日期，我就用帶你回家的日期當生日(13-1-2013)，原本打算幫你改名，但看你對"小吉"這名字有反應，所以不改了。

​

關於我們：
2019年小吉去了彩虹橋，這讓我再次有了為大家定制寵物畫作的想法。我開始重新繪製各種不同品種的寵物畫作，希望大家可以攜帶著自己心愛寵物主題的飾品或用品四處遊歷。非常感謝大家對我們的支持和肯定，這證明了我們的努力是有回報的。
* 店主Tracy在2023年頭突然入院, 現時需長期服藥，必須要慢活，手上仍有多單未清晒，未能接新訂單，深感抱歉，謝謝大家喜歡畫風。

寵物歲數：3.5歲 (已到彩虹橋)
主人名：Swing
寵物簡介：

糰糰係隻古靈精怪表情多多嘅刺蝟, 每朝最愛主人陪佢晨操練跑先肯乖乖訓覺, 傍晚又要同主人系被窩入面訓一覺先有精力延續佢嘅夜間跑滑輪運動。

​

怎樣認識Katland：

在Facebook群組內見到刺蝟朋友分享katland 嘅刺蝟造型鎖匙扣

​

其他內容：(想跟Katland說的)  

最喜歡你嘅畫風，坊間好多寵物被畫成卡通版之後都會變得一式一樣。
但係你嘅畫作會保留到寵物嘅獨特形貌。
希望你繼續研發更多隨身必備嘅產品令我可以無時無刻都見住我隻寵物！

寵物歲數：4歲,4歲,2歲,2歲

主人名：Crystal

寵物簡介：
佢地係一個家庭。係爸爸媽媽同兩個女女，一家四口好齊心。雖然一齊長大，但性格4隻都吳同。Whisky 好隨心，人同狗都好鐘意。choya 比較細膽。martell 係人同狗都吳鐘意，只鐘意婆婆我。Gin Gin 係大膽妹，無咩怕。

​

怎樣認識Katland：
Ig fb 同銷售點

​

其他內容：(想跟Katland說的)  
想姐姐努力落去，但一定要身體健康。做多啲好既作品。希望黎緊市面可以有多啲我地哥基家既產品出現，聖誕節、新年、情人節，咩都可以，加油！

寵物歲數：15歲,14歲
主人名：Jennie Ha
寵物簡介：歡歡性格好動、喜歡同人互動，鍾意講嘢，正宗PR一名、最鍾意媽媽錫佢
寶寶為食、較為細胆，曾經患淋巴癌，現已痊愈，最喜歡錫爸爸

其他內容：(想跟Katland說的)  

朋友介紹話你畫嘅畫好靚，就去你攞攤嘅地方睇，一看到就心動了。你畫嘅毛小孩係好吸引人、因為好捕捉到佢哋嘅神髓，仲有將佢哋變回好可愛嘅bb樣，而且好細微嘅特徵都能畫得到出嚟。加上檔主又有好多產品推出，令人愛不釋手，能夠擁有自己毛小孩嘅產品係一件好幸福嘅事嚟、真心要多謝你。

寵物歲數：18歲

​

寵物簡介：

王的的係一個友善嘅毛小朋友，最喜歡結交朋友（包括人和動物朋友）！ 喺佢狗生之中，享受美食、外出散步係佢最愛嘅活動；作為家長，我哋亦會盡量配合。 的的有一個比較特別嘅習慣，就係會望向鏡頭笑住影相，所以我哋可以珍藏大量佢嘅靚相，感恩！

​

怎樣認識Katland：多謝朋友嘅好介紹

​

其他內容：(想跟Katland說的)  

Katland係一個本人非常喜歡嘅原創品牌，風格清新；一直以來，見證店主嘅努力，以百份百嘅熱誠去經營，盡心盡力，體現咗香港人嘅獅子山精神！ 希望katland 可以繼續推陳出新，出品更多創新嘅作品。

寵物歲數：6歲

主人名：Mia

寵物簡介：

似貓的狗，外表天然無害，實則充滿小心機，最愛食蝦蝦

​

怎樣認識Katland：

透過Facebook見到品牌畫的西施朋友，覺得很可愛！就搜尋了Katland 

​

其他內容：(想跟Katland說的)  

感謝Katland ，令我有專屬自己寶貝的回憶，及透過産品向大家分享他的可愛，希望Katland可以繼續製作多用途的物品，令大家無時無刻都可以見到可愛的寶貝們。

寵物歲數：9歲4個月

主人名：Amy

寵物簡介：

番茄古靈精怪、聰明好奇、叫佢個名會過嚟、最錫媽媽；
薯仔豪邁奔放、天然呆萌、中氣十足、最緊要有嘢食。

​

其他內容：(想跟Katland說的)  

很羨慕也很佩服你的勇氣自創品牌，而且發展不錯。在這幾年間創製了這麼多的產品，真是非常利害。做得很好啊！記得當初請Katland畫番茄薯仔。細心又認真的你，要求我交了二十多張相，想要了解及描繪牠們的每一個特徵。十分感激你把牠們製成不同產品放在不同的寄賣點，讓更多人看到牠們傻氣的一面。Katland可愛又像真的畫風，總能把快樂帶給大眾，並從你的作品中感受到每位奴才對主子滿滿的愛。願你們能繼續堅持，努力加油啊！

寵物歲數：17歲3個月

主人名：Amanda

寵物簡介：
乖巧，活潑，鍾意陽光及跑跑跳跳，有可愛笑容

​

其他內容：(想跟Katland說的)  2019年開始認識Katland品牌, 很喜歡Tracy的畫風，表達到Cookie開心可愛的神情。Katland定期推出不同種類的產品，產品質素好，所以之後陸續訂購了不同產品。到了今年9月尾Cookie安詳地去了彩虹橋，我們一家好唔捨得Cookie, 難免有傷感的時候。不過由於家𥚃放有Katland的產品，
令到我們覺得Cookie還在身邊陪著我們一樣，所以我真是很多謝你們。

寵物歲數：7歲+9歲

主人名：Bonnie

寵物簡介：

Chilli 的性格好溫馴善良和細膽，人見人愛，特別受小朋友嘅歡迎Gin Gin 係大膽妹，無咩怕。
糖糖的性格天生不是好合群及慢熱。

​

其他內容：(想跟Katland說的)  

欣賞店主Tracy 用心去畫我隻狗狗Chilli, 能夠將佢嘅特徵和神情表露無遺，繼而將畫製成好多不同類型嘅產品，令Chilli 容入我生活的一部分，更加珍惜和Chilli 一起美好嘅回憶。

寵物歲數：

Creamy 15歲3個月(已到彩虹橋), Cobi 15歲4個月

主人名：Maggie

寵物簡介：

Creamy最愛笑，成日笑咪咪。好鍾意去街，一知道要出門就想快啲落地行，如果坐車或者抱住就會不停嗚嗚叫同跳跳吓扭計想落地。Cobi最鍾意去街，通常一出街就會笑咪咪，但玩到攰就會黑面。Cobi以前最鍾意欺負Creamy，而家年紀大就鍾意靜靜哋喺房享受me time 。​

​

其他內容：(想跟Katland說的)  

第一次係喺Facebook見到有人分享好可愛嘅松鼠狗揮春，之後自己搵到你哋嘅Facebook page 。來圖訂製心愛寵物圖案嘅products真係好有意義，products種類夠多（當然如果有更多就更好），令我可以隨時帶我已過身嘅仔仔出街。

寵物歲數：3歲幾(已到彩虹橋), 5歲

主人名：Wyanne

寵物簡介：
Mimi 好乖，唔會搞破壞，雖然之前係浪浪，而且入屋時大概7個月大，但佢熟咗之後會好親人，有少少傲嬌，唔會成日痴住人，但瞓覺時佢會自己走埋上床，瞓喺人隔離。佢好鍾意玩貓草玩具，好鍾意零食，但係奈何佢一被我執返屋企後無耐就發現有腎病，所以好多嘢都唔食得，而且佢入屋都未夠三年就已經因為腎病而走。
緣米好百厭、好八卦但係同時好細膽。佢成日搞破壞，最鍾意咬爛啲紙皮箱，又鍾意咬繩狀嘅嘢，玩逗貓棒就主要係咬嗰條繩。細膽就係聽到人撳鐘即刻匿埋，有時仲要匿好耐都唔出嚟。佢嘅喜好就係佢好鍾意食凍乾嘅零食；同埋有個幾搞笑嘅習慣，就係如果佢視線範圍之內見唔到有人，譬如可能入咗房或者出咗街，佢會擔住隻三眼仔公仔一路叫一路搵人。

​

其他內容：(想跟Katland說的)  

其實我都唔係好記得當初點樣認識到你哋，不過我估最大機會應該可能係Facebook啩。嗰陣第一次養貓（Mimi），咁就好想有自己隻貓嘅一啲畫像，然後當時就pm同你聯絡，問你可唔可以接我張單。之後收到你話好嘅圖同產品後就覺得畫得好可愛好靚，到Mimi走後，養咗緣米，就好想再搵你幫手畫一次緣米嘅畫像，好想入我屋嘅每一隻貓都有一幅你畫嘅畫像。雖然緣米嗰張畫像等咗好耐，但係我覺得值得，因為真係畫得好靚，畫得好似（而家我都仲等緊你再開放接訂單希望可以畫埋我屋企而家另一隻貓）我好鍾意你嘅畫風，希望你會有一日再接返訂單啦，不過就算唔再接訂單都唔緊要，最緊要你個人休息多啲，唔好因為畫畫而搞壞身體。

寵物歲數：5歲,4歲,6歲,6歲

主人名：Roy & Tonia

寵物簡介：
Murphy - 擔任家庭既親善大使同迎賓一職，外向，需要定時出街見識世界。全屋最聰明同有要求既貓貓，獨愛追續紅外線。已於10月中返回貓星。
Marble - 係佢眼中所有野都係可以品嚐，所有野都要試味，包括主人既身體各部位。貓生主要係為左食，一有野食佢會跑得快過穿梭機。
Mocha - 典型公主性格貓女，獨處一個空間時非常親人，但只要有另一隻貓出現就會化身醋精，成日嬲霸霸。
Mellow - 雖然已經係中年貓貓，但仍然係小朋友性格，為食同貪玩，需要定時既關懷，否則會罷食去吸引注意。

​​

其他內容：(想跟Katland說的)  

感謝Katland可以將我地每隻貓貓既神韻都畫下來，要知道畫到每隻貓貓既樣貌不特止，仲要做到一睇到圖就感覺自己既貓貓就係眼前，其實好難。更加要感謝佢地係Murphy離開之後，我地想係佢原圖上加上天使光環都二話不說地滿足我地。希望將來會有咁多產品既出現。

寵物歲數：8歲

主人名：Marie

寵物簡介：

活潑好動，最愛上山下海滾草皮，亦喜歡玩玩具

​

怎樣認識Katland：

無意中看到Katland Studio畫其他哥基的作品，
於是請他們畫一張王國基。

寵物歲數：12歲 (已到彩虹橋)

主人名：ANGEL

寵物簡介：

活躍 好動 為食 懂事 但細膽 怕狗 (雖然好大聲 但其實好淆 xD)​

​

其他內容：(想跟Katland說的)

 繼續努力, 好多謝你之前為Oscar畫, 佢走左之後都有用你地產品既形式再出現係我地面前

寵物歲數：10歲

主人名：Adwin

寵物簡介：
愛痴人，小氣，應承咗佢d嘢唔做，佢會唔睬佢，嘢都唔食

​

其他內容：

你哋的產品可以俾到離世小朋友的主人，一個心靈 的慰藉， 好似佢哋返黎我身邊一樣， 同埋你哋啲產品攜帶好方便，可以帶住佢哋週圍去影相打卡，以前好多唔可以同佢哋去嘅地方， 而家都可以無拘無束咁帶埋佢哋一齊去影相食嘢

寵物歲數：19歲

主人名：Helen Yuen 

寵物簡介：

最鐘意搵我摸同食雞粒、食條條

​​

怎樣認識Katland：

當年手作展海報係你畫，見到你作品已經好鐘意。

​

其他內容：(想跟Katland說的)  好喜歡你的作品，不單止好靚好似，好欣賞你堅持一筆筆仔細繪畫，加上你對動物嗰份愛讓作品更由心美出來。

寵物歲數：12歲

主人名：Annette

寵物簡介：

叻仔是領養的，起初他比較保護自己。但經過一段時間相處，他漸漸感受到我們一家對他的愛。現在他一見到我回家就會不停地錫我，一肚餓就不停地抓我要零食，叻仔是我們家的開心果。​

​

其他內容：(想跟Katland說的)  

你們的產品多樣化，顏色多變，也很實用，而且很用心地將不同品種的狗狗和貓貓，還有其他寵物都放在產品內，令更多不同主子也會選購到自己心愛的產品。最開心是你們可以繪畫我的狗狗，放在不同產品內，獨一無二屬於我的毛孩。

寵物歲數：15.5歲(已到彩虹橋)

主人名：Shan

寵物簡介：
乖女，痴人，為食（最鍾意食雞雞）

​

怎樣認識Katland：
係fb見到畫其他愛寵，非常似，所以都排隊畫左3幅

​

其他內容：(想跟Katland說的)  

多謝你，每幅都畫得好似，為每位主人提供到心靈慰藉，你要繼續畫落去呀

寵物歲數：11歲(狗),16歲(貓)

主人名：Kary Ho

寵物簡介：

Kilo(狗) 活潑開朗，為食，

天天(貓)領養回來慢熱熟咗後會嗲人​

​

其他內容：(想跟Katland說的)  

見到你對自己嘅作品有要求，（畫畫有要求用筆一筆一筆咁畫，對產品嘅要求都好高，所以出嚟嘅質素真係高嘅，希望你一直保持呢種心憑去做，明白鍾意你產品嘅人，必然會有等你嘅耐性。

寵物歲數：9歲 , 8.5歲

主人名：YY

寵物簡介：2兔是在香港兔友協會領養，Mocha是年輕媽媽，大慨6個月大時已懷孕生子，前主人之後和2位兒子一起棄養於兔協，當時Latte只有3個月大，我先後領養了Mocha & Latte直到現在。
Mocha比較聰明懂事，Latte較可愛活潑，2隻都比較曳，常常一起攪破壞，找人時會懂得掉木玩具發出聲響，他們相處都非常恩愛，常常亙舔對方。

寵物歲數：15歲, 12歲

主人名：芝士媽

寵物簡介：

芝士：

西摩女，2歲時spca 領養回來，好乖囡，好鐘意食野
Dash：

西摩仔，1.5歲時係街度執返黎，好乖仔只係多d野講，最鐘意食牛筋，所以而家大個仔關節都唔錯

​​​

其他內容：(想跟Katland說的)  

你好叻呀！繼續加油！但記住要休息，身體健康！

寵物歲數：14.5歲

主人名：Woody 媽

寵物簡介：聰明，乖巧，貼心（身） ，鍾意薑餅人公仔

​

怎樣認識Katland：

十幾年前於新蒲崗工廈一個市集

寵物歲數：7歲

主人名：Christy Yu

寵物簡介：

Morris 係我6年前從第二任主人手上領養，牠十分乖巧，十分安靜，可能被人遺棄過2次，來到我家一直就好懂事。

​

怎樣認識Katland：

在一田買了第一件貴婦犬樣欖枕。之後在 FB找到你哋專頁。

​

其他內容：(想跟Katland說的)  

畫得太似，值得等待。。。繼續加油努力！

寵物歲數：5歲

主人名：董家樂

寵物簡介：

性格有啲細膽，不過又八卦。最鍾意曬太陽睇雀雀。唔鍾意人抱，但哥哥家樂就可以將佢搓圓撳扁都無所謂。

​

怎樣認識Katland：

經朋友介紹​

寵物歲數：5歲,3歲,3歲

主人名：Agnes & Silver Fox

寵物簡介：

棉花糖從小不親人，容貌俊美。最喜歡吃皇家貓糧及蒸雞肉。
啫喱糖性格親人，樣子甜美可愛，喜歡主人抱抱，平時最喜歡吃蟲蟲。
爆炸糖最鍾意俾爸爸抱抱，出街街、影靚相都可坐定定，平時最鍾意食蟲蟲。​

寵物歲數：走時10歲

主人名：Be媽

寵物簡介：

我心肝寶貝Be皇好有性格嘅，亦好古靈精怪，專和我作對，例如，我啱啱抹完地，佢會即刻係地下屙尿，我又要再抹過，激C我，但更多時候係嗲我，眼中只有我，令我更加溺愛Be皇，亦係因為Be皇嘅出現，令我對所有動物更加關注，更加喜愛，尤其貓狗，不知不覺萬劫不復。

寵物歲數：13歲, 13歲

主人名：Winnie+Mary

寵物簡介：

MoMo屬於迷你貓貓兔，一身灰白色毛毛，樣貌很像海獺，很有個性，覺得自己係最靚仔同最醒目，雖然年紀漸大，但仍很有火，經常發少爺脾氣
馬仔屬於杜奇兔，一身棕啡色毛毛，加上鼻樑上幼幼的白色毛毛，樣貌很像一隻馬，性格溫馴，非常為食，最喜歡「欄途截劫，問你攞食」或圍住你轉圈問你攞食

​

怎樣認識Katland：
透過Facebook的宣傳及產品介紹